2009 წლის მაისში, პრაღის სამიტზე, საფუძველი ჩაეყარა სტრატეგიულ და ამბიციურ პროექტს - „აღმოსავლეთ პარტნიორობას“, რომლის მიზანიც ევროკავშირთან აღმოსავლეთ ევროპის ქვეყნების აჩქარებული პოლიტიკური ასოცირებისა და ეკონომიკური ინტეგრაციის მხარდაჭერა იყო. პრაღის დღის წესრიგი მოიცავდა ასოცირების შესახებ შეთანხმების გაფორმებას, ღრმა და ყოვლისმომცველი თავისუფალი სავაჭრო სივრცის შექმნას, სავიზო მიმოსვლის ლიბერალიზაციას, ენერგო უსაფრთხოების სფეროში გაზრდილ თანამშრომლობას და სხვ.
გაამართლა „აღმოსავლეთ პარტნიორობამ“ მისი ავტორების მოლოდინები? მოიტანა მან რეგიონის ქვეყნებში და ევროკავშირთან მათ ურთიერთობებში დაგეგმილი ცვლილებები? პანელზე მოისმენთ „აღმოსავლეთ პარტნიორობის“ გასული 10 წლის შეფასებას ევროკავშირის პერსპექტივიდან.