ევროკავშირის ევროპული სამეზობლოს სტაბილურობა ევროპული სამეზობლო პოლიტიკის (ENP) განახლებული ვერსიის ერთ-ერთი ქვაკუთხედია. პოლიტიკის განახლებიდან ერთი წლის შემდეგ, ევროკავშირის უსაფრთხოების გლობალურმა სტრატეგიამ ხაზგასმით აღნიშნა აღმოსავლეთ მეზობლების მედეგობის/მდგრადობის გაძლიერების საჭიროება. „20 შედეგი 2020 წლისათვის“ დოკუმენტის ფარგლებში, ევროკავშირმა თითოეულ პარტნიორს შესთავაზა სავაჭრო ურთიერთობების გაღრმავება საერთო ინტერესების შესაბამისად. უფრო მეტი ყურადღება დაეთმო სატრანსპორტო კავშირების, განათლების, ახალგაზრდების დასაქმებისა და ინოვაციის საკითხებს, რამაც ეკონომიკური განვითარების ახალი შესაძლებლობები გააჩინა და შესაძლებელი გახადა თითოეულ პარტნიორსა და ევროკავშირს შორის უფრო ახლო კავშირების ჩამოყალიბება.
ახლოვდება 2020 წელი და საკითხავია, რამდენად შეძლო თითოეულმა პარტნიორმა პარტნიორობის შესაძლებლობების სრულად გამოყენება? რა მიმართულებით ხედავენ პარტნიორები „აღმოსავლეთ პარტნიორობის“ ფარგლებში არსებული თანამშრომლობის უფრო მეტ პოტენციალს?