სესია V: შავი ზღვის უსაფრთხოება: დაპირისპირებებიდან შესაძლებლობების ზღვამდე
იშვიათად თუ ნახავთ ისეთ ადგილს, რომელსაც რამდენიმე წლის განმავლობაში ისეთივე რაოდენობის გარდამტეხი ცვლილებები განეცადოს, როგორც შავ ზღვას. 1990-იან წლებში, ცივი ომის დასრულების შემდეგ, მთელმა მსოფლიომ იხილა შავი ზღვის უთვალავი შესაძლებლობები. 2004 წელს, ბულგარეთისა და რუმინეთის ევროკავშირში გაწევრიანებით, შავი ზღვა პოლიტიკური მნიშვნელობით იქცა ევროპულ ზღვად.
თუმცა, 2008 წელს, სამხედრო ინტერვენციის შედეგად, დაირღვა შავი ზღვის ერთ-ერთი სახელმწიფოს, საქართველოს საერთაშორისოდ აღიარებული საზღვრები. 2014 წელს, აგრესია განმეორდა კიდევ ერთ შავიზღვისპირა სახელმწიფოში, როდესაც უკრაინა სამხედრო ინტერვენციისა და ანექსიის მსხვერპლი გახდა. ამავდროულად, შავმა ზღვამ ნელ-ნელა შეითავსა ვაჭრობის უმთავრესი სატრანსპორტო დერეფნის როლი, მათ შორის ენერგო რესურსების კასპიის, შავი და ხმელთაშუა ზღვების ღერძზე ტრანსპორტირების მიმართულებით.
რა როლს ასრულებს შავი ზღვა ევროპის უსაფრთხოებისა და ეკონომიკური სტაბილურობის საქმეში?