სესია VI: მაღალი დონის სადისკუსიო პანელი ურთიერთკავშირების თემაზე

ურთიერთკავშირების განვითარებისა და „აღმოსავლეთ პარტნიორობის“ ქვეყნებთან ვაჭრობის ხელშეწყობის მიზნით, ევროკავშირმა წარმოადგინა საინვესტიციო სამოქმედო გეგმა, სადაც აღმოსავლეთ პარტნიორობის ექვს ქვეყანაში განსახორციელებელი რამდენიმე პრიორიტეტული პროექტია იდენტიფიცირებული, ტრანს-ევროპული სატრანსპორტო ქსელის (TEN-T) აღმოსავლეთ ევროპის რეგიონში გაფართოების შესაბამისად. მთლიანობაში, აღნიშნული პრიორიტეტული პროექტების განსახორციელებლად თითქმის 13 მილიარდი ევროს ოდენობის ინვესტიცია იქნება საჭირო, რაც შესაძლებელს გახდის არსებული და ახალი გზების, რკინიგზების, პორტების, აეროპორტების, ლოგისტიკური ცენტრებისა და გამშვები პუნქტების მშენებლობასა და რეაბილიტაციას. ინფრასტრუქტურულ ინვესტიციებთან ერთად, წარმოდგენილი საინვესტიციო გეგმა ასევე ითვალისწინებს რეგიონში სატრანსპორტო სექტორის მნიშვნელოვანი რეფორმების ხელშეწყობასა და გზებზე არსებული უსაფრთხოების გაუმჯობესებას.

პანელზე განხილულ იქნება, თუ როგორ შეძლებს ევროკავშირსა და პარტნიორებს, ისევე როგორც თვითონ პარტნიორებს შორის არსებული ურთიერთკავშირების გაუმჯობესება ეკონომიკისა და ურთიერთდამოკიდებულების გაზრდას და რეგიონში გრძელვადიანი სტაბილურობისა და კეთილდღეობის შექმნას. ასევე, რა ძირითადი ფაქტორები განაპირობებს მსგავს ტრანფორმაციას.