დიდი ბრიტანეთის მოსახლეობის 52%-მა 48%-ის წინააღმდეგ მხარი დაუჭირა ევროკავშირიდან გასვლას. ევროკავშირის ხელშეკრულების 50-ე მუხლის თანახმად, მომდევნო წლების განმავლობაში ევროპელი და ბრიტანელი ლიდერები გაერთიანებული სამეფოს გასვლის კონკრეტულ პირობებზე უნდა შეთანხმდნენ. მიუხედავად იმისა, რომ საბოლოო შედეგების ნახვა რამდენიმე წლის შემდეგ იქნება შესაძლებელი, გარკვეული გამოწვევები უკვე სახეზეა, რაც გამოიხატა ბრიტანული ფუნტის 10%-ით გაუფასურებასა და შოტლანდიისა და ჩრდილოეთ ირლანდიის ლიდერების მიერ ბრიტანეთის შემადგენლობიდან გასვლის რეფერენდუმის ჩატარების მოთხოვნაში. უფრო მეტიც, ბრიტანეთის ევროკავშირიდან გასვლამ უარყოფითი ეფექტი იქონია მთელს ევროპაზე, ვინაიდან იტალიაში, საფრანგეთში, ნიდერლანდებსა და დანიაში ევროსკეპტიკოსი პოლიტიკოსები მსგავსი რეფერენდუმის ჩატარების მოთხოვნით გამოდიან.