2016 წლის ივლისიდან სლოვაკეთის რესპუბლიკა მომდევნო ნახევარი წლის განმავლობაში ევროკავშირის საბჭოს თავმჯდომარე ქვეყანა იქნება. ხოლო პოლონეთის რესპუბლიკა ამავე პერიოდში ვიშეგრადის ჯგუფის თავმჯდომარე გახდება. ვიშეგრადის რეგიონული თანამშრომლობა წელს მისი დაარსების 25 წლისთავს აღნიშნავს. სესიის მიზანია სლოვაკეთის ევროკავშირის საბჭოს თავმჯდომარეობის მთავარი პრიორიტეტების გაცნობა ისეთ საკითხებში, როგორიცაა: გაფართოების დღის წესრიგი, ევროკავშირის სამეზობლო პოლიტიკა და „აღმოსავლეთ პარტნიორობა“. ასევე, ვიშეგრადის ჯგუფსა და „აღმოსავლეთ პარტნიორობის“ ქვეყნებს შორის თანამშრომლობის გაღრმავების შესაძლებლობების წარმოჩენა რეგიონში არსებული გეოპოლიტიკური გამოწვევების კონტექსტში.