ბოლო პერიოდში განხორციელებულ ფართომასშტაბიანი რუსული საინფორმაციო ომის ფონზე სტრატეგიულმა კომუნიკაციამ სრულიად ახალი დანიშნულება შეიძინა. ის წარმოადგენს არამარტო გრძელვადიანი პოლიტიკის შემუშავების ინსტრუმენტს, არამედ ცრუ ფაქტების, ყალბი ინფორმაციისა და დამახინჯებული რეალობის წინააღმდეგ ბრძოლისთვის ერთადერთ ეფექტურ მექანიზმს. იმ არსებული გამოწვევების საპასუხოდ რომლებიც ზეგავლენას ახდენენ ევროპის მშვიდობასა და სტაბილურობაზე საჭიროა ევროკავშირის დონეზე სტრატეგიული კომუნიკაციის გაუმჯობესება და ინფორმაციისა და გამოცდილების გაზიარების მექანიზმის შემუშავება. ასევე, სასურველია ერთობლივი პოზიციის ჩამოყალიბება, სახალხო დიპლომატიის ექსპერტებს შორის კავშირების დამყარება და ანტი-დასავლური პროპაგანდის დასაძლევად, ძლიერი კომუნიკაციის სტრატეგიის განხორციელება.